هلاويس املية......تحية الى امل....

اني مو قشة امل, اني انسان


لا تشلبه بية و انت الغريق شايفني الجواب

بس ممكن اعطيك حب و قوة من تلامس مشاعرنا الانسانية

ممكن نتبادل تلاطف, تسامح, تفاهم انساني.

و لا انت الامل ابدا…. وحريتي ابد ماراح تروي عطشك, لك انت ما تفتهم بس ظيم السجون…
ظيم السجون في العقل,
ظيم السجون في الجسد,

لك لا تنتف ريشي, حتى حمامة سلام ما طرت…

انت ابد مو الامل…..

و لا اي شي الامل, لان اني اسعى و احاول اسوي,

و بقوتي الانسانية لازم همينة تفتهم مدى حريتي,

شايف عزيمتي,
عزيمتي مثل النهر اللي اريدها اتصب ابحرك

لك شلال حب احبك, بس من انت تكون انسان

تره اني حره

للك اني احبك

بس من اتحط السجون لان انت….

امي
ابوية
اختي
صديقي , صديقتي
زوجي, عشيقي

مهما انت… كنت

و مهما كل العلاقات, انت مو الامل

بس من مشاعرنا الانسانية

قبل المشاعر الصداقية
….
الجنسية….. القرابية

تره,

نبضي و نبضك اللي نحسة جوة , همة بس الامل

من اتشوفني انسان و اني اشوفك انسان.

ترة اني مو قشة امل و لا حلم بس بشر،

تعال باوع بعيوني,

من تشوفني

حرة و انسانة …يلة تعال تجي تكلي اني الامل!

لان الامل انسان,

الامل انسان,

لا مره متهسترة
و لا رجال مستهتر
و لا زعل من هل ولد العم

الامل انسان,
و شغل انسان حر….

كلبي اخ حس الامل..

يا نبض…

اني مو قشة امل, اني انسان.